सडकमा अण्डा फुटाएर ‘बिचौलिय’विरुद्ध प्रदर्शन
<p>चितवन। आपूर्तिकर्ताहररूले आफूखुशी अण्डाको मूल्य तय गरेको भन्दै अण्डा उत्पादक संघले आज भरतपुरको चौबिसकोठीमा अण्डा फोरेर प्रदर्शन गरेको छ।</p>
<p>अण्डा उत्पादक संघले तोकेको मूल्यभन्दा कम मूल्य राखी आपूर्तिकर्ताहरूले खरिद गर्ने गरेको र बिक्री गर्दा महँगोमा गरेको भन्दै उनीहरूले विरोध प्रदर्शन गरेका हुन्। </p>
<p>जिल्ला प्रहरी कार्यालय चितवनअगाडि रहेको गेष्टहाउस चौरबाट शुरू भएको विरोध प्रदर्शन चौबिसकोठीमा पुगेर अण्डा फुटाएर टुङ्गिएको थियो।</p>
<p>नेपाल अण्डा उत्पादक संघ केन्द्रीय कार्यसमितिको आयोजनामा १५ पेटी अण्डा फोरेको अण्डा उत्पादक संघका केन्द्रीय कोषाध्यक्ष राजकुमार श्रेष्ठले बताए।</p>
<p>उनले बिचौलिया आफैंले अण्डाको मूल्य निर्धारण गरेर घटाएको र पाँचजना किसानलाई प्रहरीले पक्राउ गरेको विरोधमा सडकमै अण्डा नष्ट गरेको जानकारी दिए। </p>
<p>उनीहरूले जिल्ला प्रहरी कार्यालय परिसरअगाडि गेष्टहाउस चौरबाट चौबिसकोठीसम्म नाराबाजी गर्दै र्‍यलीसमेत निकालेका थिए।</p>
<p>चितवनमा करीब ४०० जना अण्डा उत्पादक किसान रहेका छन्। <em>रासस</em><br />
</p>
प्रतिक्रिया दिनुहोस्
.jpg)
