कैद र जरिवानाको मागसहित पत्रकार कुट्ने प्रहरीविरुद्ध मुद्दा
<p>काठमाडौं। १३औं दक्षिण एशियाली खेलकुद(साग) समापनका दिन समाचार संकनको क्रममा आफ्ना खेल पत्रकारलाई कुट्ने प्रहरीलाई सजायको माग गर्दै नेपाल रिपब्लिक मिडिया प्रालिले काठमाडौं जिल्ला अदालतमा मुद्दा दर्ता गरेको छ।</p>
<p>२४ मंसीरमा सागको समापनको दिन नागरिक दैनिकका खेल पत्रकार सुमन चापागाई दशरथ रंगशालाअगाडि प्रहरीले दर्शक पिट्दै गरेको फोटो खिच्ने क्रममा कुटिएका थिए। </p>
<p>मिडियाका तर्फबाट मदन अर्याल र प्रहरीबाट कुटिएका खेल पत्रकार चापागाईले दमनमा उत्रिएका प्रहरीविरुद्ध १ पुसमा कुटपिट मुद्दा दर्ता गरेका हुन्। </p>
<p>कुट्ने प्रहरीलाई तीन वर्षसम्म कैद र ३० हजार रूपैयाँसम्म जरिवाना माग गर्दै मिडियाले मुद्दा दर्ता गरेको हो। </p>
<p>चापागाईलाई सोह्रखुट्टे प्रहरी वृत्तका डीएसपी सन्तोषसिंह राठौर, महानगरीय प्रहरी वृत्त कालिमाटीका डीएसपी रुगम कुँवर, बालाजु प्रहरी वृत्तका डीएसपी बालनरसिंह राणाले कुटपिट गरेको आजको नागरिक दैनिकमा समाचार छ। </p>
<p>मुद्दामा प्रहरी महानिरीक्षक सर्वेन्द्र खनाललाईसमेत विपक्षी बनाइएको छ। </p>
प्रतिक्रिया दिनुहोस्
.jpg)
