बलात्कार आरोपित पक्राउ
<p>सप्तरी । १७ वर्षीया किशोरीलाई बलात्कार गरेको आरोपमा प्रहरीले डाकनेश्वरी नगरपालिका–५ का २० वर्षीय सियाराम मण्डल खत्वेलाई पक्राउ गरेको छ।</p>
<p>घरमा कोही नभएका बेला १५ मंसीरमा खत्वेले किशोरीलाई विवाहको आश्वासन दिई बलात्कार गरेको आरोप लागेको छ।</p>
<p>बलात्कार गरेको भन्दै पीडित किशोरीकी आमाले दिएको उजुरीका आधारमा आरोपितलाई पक्राउ गरिएको इलाका प्रहरी कार्यालय कडरबोनाले जनाएको छ। </p>
<p>३० मंसीरमा जबर्जस्ती करणीको उजुरी दर्ता गरी आरोपितलाई पक्राउ गरेको इलाका प्रहरी कार्यालय कडरबोनाका प्रहरी निरीक्षक रामराजा केशरीले जानकारी दिए।</p>
<p>पीडितको राजविराजस्थित गजेन्द्रनारायण सिंह अस्पतालमा ३० मंसीरमा स्वास्थ्य परीक्षण गरिएको थियो। </p>
प्रतिक्रिया दिनुहोस्
.jpg)
