Others

गृहपृष्ठ

कलाकार आनन्द थापाको निधन काठमाडौं। हास्यकलाकार आनन्द थापाको ८० वर्षको उमेरमा  गएराति निधन भएको छ। चलचित्र विकास बोर्डका अध्यक्ष तथा कलाकार केशव भट्टराई र वरिष्ठ कलाकार दीपक क्षेत्रीको निधन भएको दुई दिनपछि कालाकार थापाको निधन भएको हो।  दुई वर्षदेखि प्यारालाइसिसबाट पीडित थापाले चलचित्र ‘मनको बाँध’ बाट अभिनय शुरू गरेका थिए।  उनले ‘कुमारी’, ‘कान्छी’, ‘मायाप्रिती’, ‘अचानक’, ‘वरदान’ लगायत दर्जनौं फिल्ममा अभिनय गरेका छन्।   थापाले गाईजात्रा महोत्सवमा हास्यव्यंग्य, नाटक तथा टेलिफिल्मको लेखन र निर्देशनसमेत गरेका थिए।  उनका श्रीमतीसहित ३ छोरा छन्। वरिष्ठ कलाकार थापाको आजै दिउँसो पशुपति आर्यघाटमा अन्त्येष्टि गरिने परिवारजनले जनाएका छन्।