लाइसेन्सको ट्रायल दिने दुई जना ‘नक्कली परीक्षार्थी’ पक्राउ
<p>काठमाडौं। सवारी चालक अनुमति पत्रको ट्रायल परीक्षा दिने दुईजना 'नक्कली परीक्षार्थी' हरू पक्राउ परेका छन्। </p>
<p>पक्राउ पर्नेहरुमा कालिकोट खाडाचक्र नगरपालिका-७ भई काठमाडौंको चाबहिलमा बस्ने १९ वर्षीय वीरेन्द्र मल्ल र कालिकोट महावै गाउँपालिका-५ घर भई काठमाडौं सुकेधारा बस्‍ने ३० वर्षीय दीपक शाही रहेको महानगरीय ट्राफिक प्रहरी महाशाखाका प्रवक्ता प्रहरी उपरीक्षक जीवनकुमार श्रेष्‍ठले बताए। </p>
<p>चन्द्रागिरी नगरपालिका गुर्जुधारास्थित भेईकल एकेडेमी एण्ड रिसर्च सेन्टरमा नक्कली कागजात बनाएर अर्कै व्यक्तिको नाममा ट्रायल दिइरहेका उनीहरूलाई पक्राउ गरिएको हो। </p>
<p>उनीहरूको साथबाट ल्यापटप, प्रिन्टर, नक्कली नागरिकता कार्ड तथा सवारी चालक अनुमति पत्र लिँदा चाहिने नक्कली सरकारी कागजात बरामद गरिएको छ। </p>
प्रतिक्रिया दिनुहोस्
.jpg)
