प्रहरीलाई घुस दिन खोजेपछि...
<p>काठमाडौं। प्रहरीलाई घुस दिन खोजेपछि एक जना व्यक्ति पक्राउ परेका छन्। </p>
<p>रुपन्देहीको बसन्तपुर गाउँपालिका-४ स्थायी ठेगाना भई हाल स्याङजाको वालिङ नगरपालिका-८ बस्ने जहरुदिन तेली पक्राउ परेका हुन्। </p>
<p>वडा प्रहरी कार्यालय वालिङ, स्याङजाका कार्यालय प्रमुख, प्रहरी निरीक्षकलाई उनकै कार्यकक्ष पुगेर गोरु व्यापार गर्न सहयोग गर्नुपर्‍यो भन्दै १५ हजार रूपैयाँ घुस दिन खोजेपछि उनलाई प्रहरीले नियन्त्रणमा लिएको हो। </p>
<p>प्रहरीले उनलाई अख्तियार दुरूपयोग अनुसन्धान आयोगको जिम्मा लगाएको छ। यस विषयमा थप अनुसन्धान भइरहेको अख्तियारले जनाएको छ। </p>
<p> </p>
प्रतिक्रिया दिनुहोस्
.jpg)
