Others

गृहपृष्ठ

‘चालबाज’मा फेरिइन् नायिका, केकीको ठाउँमा वर्षा काठमाडौं। चलचित्र ‘चालबाज’मा कलाकार फेरबदल हुने क्रम जारी छ। केही दिन अघि मात्र नायक परिवर्तन गरिएको थियो। फेरि नायिका पनि परिवर्तन गरिएको छ। ‘चालबाज’ दार्जिलिङका विभिन्न स्थानमा छायांकन भइरहेको छ। शुरूवातमा नायिका केकी अधिकारीले काम गर्ने पक्का भएको थियो। तर, केकीको हाल चलचित्र ‘झिंगे दाउ’ को छायांकन चलिरहेको छ। केकीले समय दिन नसकेपछि उनको ठाउँमा नायिका वर्षा सिवाकोटी ‘रिप्लेस’ गरिएको हो। अब नायिका सिवाकोटी ४ पुसबाट चलचित्रको छायांकनमा जानेछिन्। यसअघि नव–नायक अविनाश प्रधानको स्थानमा नायक पुष्प खड्का अनुबन्धित भएका थिए। अरुण तामाङको लगानीमा बनिरहेको यो चलचित्रलाई कैलाश गुरुङले निर्देशन गरिरहेका छन्।  चलचित्रमा बुद्धि तामाङ, महेन्द्र बागदास, चाँदनी प्रधान, सान्तिला तामाङलगायतको अभिनय रहनेछ। सौरभ लामाको छायांकन, कमल राई र रामजी लामिछानेको नृत्य निर्देशन, दीपक शर्मा र अगोम गुरुङको संगीत, विपिन किरणको शब्द रहने चलचित्रको प्रोडक्सन म्यानेजर सुदीप ढकाल हुन्।