छत्तीसगढमा थप १७ सुरक्षाकर्मीको शव भेटियो, मारिनेको संख्या २२ पुग्यो
<p>एजेन्सी। भारतको छत्तीसगढमा शनिबार भएको नक्सवादी र सुरक्षाकर्मी बिचको मुठभेडमा मृत्यु हुनेको संख्या २२ पुगेको छ। आज थप १७ जना सुरक्षाकर्मीको शव भेटिएको स्थानीय प्रहरीले जनाएको छ। </p>
<p>मुठभेडपछि २१ जना सुरक्षाकर्मी हराइरहेका थिए। हराएका मध्ये १७ जनाको शव आज भेटिएको हो। हिजो घटनास्थलमा ५ जना सुरक्षाकर्मीको शव भेटिएको थियो। </p>
<p>घटनास्थल वरपर आज सुरक्षाकर्मीले चलाएको सर्च अप्रेसनका क्रममा थप १७ शव भेटिएको हो। मुठभेडमा घाइते भएका अन्य ३० जना सुरक्षाकर्मीको उपचार भइरहेको जनाइएको छ।</p>
प्रतिक्रिया दिनुहोस्
.jpg)
