Others

गृहपृष्ठ

शीतलहरले कंचनपुर र धनगढीमा विद्यालय बन्द कैलाली। कंचनपुरको भीमदत्त नगरपालिकामा शीतलहरले चिसो बढेपछि आजदेखि दुई दिन विद्यालय बन्द गरिएको छ।  अत्याधिक चिसो बढेकाले विद्यार्थीहरुलाई विद्यालय आवतजावत र पठनपाठनमा समस्या भएको छ।  संचित विदाबाट पछि मिलान गर्ने गरी दुई दिनलाई विद्यालय बन्द गराउने निर्णय गरिएको नगरपालिकाको शिक्षा, युवा तथा खेलकुद शाखाले जनाएको छ।  नगरपालिकाले सूचनामार्फत मौसममा सुधार आएमा विद्यालय सञ्चालन गरिने भन्दै शीतलहर जारी रहे पछि विदा थप्ने जानकारी गराएको छ। त्यस्तै धनगढी उपमहानगरपालिकामा पनि सामुदायिक र निजी विद्यालय बन्द गर्ने निर्णय गरिएको छ।  उपमहानगरपालिकाका मेयर नृपबहादुर वडले विद्यालय बन्द गराउने विषयमा आज बिहान बैठक बसेर निर्णय गरिएको बताए।