न्यूजील्यान्डले लगायो भारतीयलाई प्रवेशमा रोक
<p>काठमाडौं। भारतमा कोरोना संक्रमण पुनः तीव्र बन्न थालेपछि न्यूजील्यान्डले भारतीय नागरिकलाई १८ दिनका लागि प्रवेश प्रतिबन्ध लगाएको छ। न्यूजील्यान्डले अप्रिल ११ देखि २८सम्म यस्तो रोक लगाएको हो।</p>
<p>न्यूजील्यान्डकी प्रधानमन्त्री जेसिन्डा आर्डर्नले भारतमा पुनः संक्रमण तीव्र बनेकाले त्यहाँबाट आउने पर्यटकलाई रोक लगाइएको बताइन्। </p>
<p>उनले भनिन्, ‘‘यसले तपाईंहरुलाई कठिन पार्नेछ, तर देशलाई संक्रमणबाट सुरक्षित राख्न यो फैसला जरुरी छ।’’(एजेन्सी)</p>
प्रतिक्रिया दिनुहोस्
.jpg)
