न्यायाधीशका अंगरक्षककाे पेस्तोल लिएर भाग्ने पक्राउ
<p>जनकपुर। उच्च अदालत जनकपुरकी न्यायाधीश सकुन्तला घिमिरेकी अंगरक्षक प्रहरी जवान रनिता केवटको पेस्तोल लिएर फरार सिबेन्द्र यादव पक्राउ परेका छन्।</p>
<p>नवलपरासी देउडा–६ का यादवलाई सात राउण्ड गोली र पेस्तोलसहित जनकपुरधाम उपमहानगरपालिका–१५ बाट पक्राउ गरिएको धनुषा प्रहरी प्रवक्ता डीएसपी रामेश्वर कार्कीले बताए।</p>
<p>जनकपुरधाम उपमहानगरपालिका–४ मा डेरा गरी बस्दै आएकी प्रहरी जवान केवटसँग विवाद भएपछि २ पुसमा यादव पेस्तोल लिएर भागेका थिए।</p>
<p>पक्राउ परेका यादव प्रहरी जवान केवटका प्रेमी रहेको खुल्न आएको छ। घटनापछि केवटलाई जिल्ला प्रहरी कार्यालयमा तानिएको छ।</p>
<p> </p>
प्रतिक्रिया दिनुहोस्
.jpg)
