मध्यरातमा फर्निचरमा आगलागी, अझै नियन्त्रणमा आएन
<p>बलेवा। बागलुङ नगरपालिका–३ गुठीमा रहेको एक फर्निचर उद्योगमा भीषण आगलागी भएको छ । विराट बोहराले सञ्चालन गरेको सिर्जना फर्निचरमा आगलागी हुँदा लाखौँको क्षति भएको प्रहरीले जनाएको छ ।</p>
<p>गएराति २ बजेदेखि सुरू भएको आगलागी अझै नियन्त्रणमा आएको छैन। फर्निचरमा रहेका सबै काठपात तथा तयारी सामग्री जलेका छन् । </p>
<p>आगो नियन्त्रणका लागि नेपाल प्रहरी, सशस्त्र प्रहरी र बागलुङ नगरपालिकाको दमकल प्रयोग भइरहेको छ । क्षतिको पूर्ण विवरण आइनसकेको प्रहरी नायब उपरीक्षक इकवाल हवारीले बताए ।</p>
प्रतिक्रिया दिनुहोस्
.jpg)
