पाटा नेपाल च्याप्टरमा नयाँ कार्यसमिति चयन, अध्यक्षमा विभूतिचन्द ठाकुर
<p>काठमाडौं। प्यासिफिक एशिया ट्राभल एशोसिएसन (पाटा) नेपाल च्याप्टरको ४३औं वार्षिक साधारण सभाबाट विभूतिचन्द ठाकुरको अध्यक्षतामा १७ सदस्यीय नयाँ कार्यसमिति गठन गरेको छ। ठाकुर हिमालयन होलिडेज ट्रेकिङ्गका संस्थापक हुन्।</p>
<p>नवनिर्वाचित अध्यक्ष विभूतिचन्द ठाकुरले पाटा नेपाल च्याप्टरको अध्यक्ष पदमा निर्वाचित हुनु गर्वको विषय भएको बताउँदै आगामी दिनमा पर्यटन क्षेत्रमा हरेक सरोकारवाला निकायहरूसँग सहकार्य तथा समन्वय गरी नेपाली पर्यटन क्षेत्रको विकास र प्रवर्द्धनमा सक्रिय भूमिका निर्वाह गर्ने बताए।</p>
<p style="text-align:center"><img alt="" height="560" src="https://www.dekhapadhi.com/storage/photos/shares/Economy/PATA1.JPG" width="840" /></p>
<p>नवनिर्वाचित कार्यसमितिमा निवर्तमान अध्यक्ष सुनील शाक्य, प्रथम उपाध्यक्षमा नेपाल पर्यटन बोर्डका दीपकराज जोशी, द्वितीय उपाध्यक्षमा नेपाल वायुसेवा निगमका टंकनिधि दाहाल, महासचिवमा रोयल माउन्टेन ट्राभलका शिवप्रसाद ढकाल र कोषाध्यक्षमा गेट कलेजका खेम लकाई निर्वाचित भएका छन्।</p>
<p>साधारण सभालाई सम्बोधन गर्दै पाटा अन्तर्राष्ट्रियका प्रमुख कार्यकारी अधिकृत डा. मरिओ हार्डीले पाटा नेपाल च्याप्टरको सक्रियता एवं प्रभावकारी कामहरूको प्रशंसा गरेका छन्।</p>
<p>पाटा नेपालका प्रथम उपाध्यक्ष तथा नेपाल पर्यटन बोर्डको प्रमुख कार्यकारी अधिकृत दीपकराज जोशीले नवनिर्वाचित कार्यसमितिको सफल कार्यकालको शुभकामना दिँदै नेपाल पर्यटन बोर्ड निजी क्षेत्रसँग सहकार्य र समन्वय गरी सम्भावित नयाँ गन्तव्यहरूको विकास तथा पर्यटन प्रवर्द्धन र विकासमा लाग्न तत्पर रहेको बताए।</p>
प्रतिक्रिया दिनुहोस्
.jpg)
