२६ अर्ब बराबरका सडक आयोजना अलपत्र
<p>काठमाडौं। संघीय तथा प्रदेश सरकार दुवैले स्वामित्व नलिँदा २६ अर्ब रूपैयाँ बराबरका सडक आयोजना अलपत्र परेका छन्। </p>
<p>संघीय सरकारले प्रदेशहरूलाई हन्तान्तरण गरे पनि प्रदेशले ग्रहण नगर्दा ४७७ वटा सडक आयोजना अलपत्र परेका हुन्। </p>
<p>“बहुवर्षे ठेक्कामा लैजान नसकिएको र प्रदेश सरकारले पनि लिन नमानेकाले ती आयोजना तल न माथिको अवस्थामा पुगेका छन्”, ३ पुसको अर्थ समिति बैठकमा भौतिक पूर्वाधार तथा यातायात मन्त्रालयका सचिव देवेन्द्र कार्कीले भने। </p>
<p>देश संघीयतामा गएसँगै सरकारले साना तथा झौला आयोजनाहरू प्रदेश सरकारलाई हस्तान्तरण गर्ने नीति लिएको हो।</p>
<p>तीमध्ये अधिकांश आयोजना शुरू भइसकेको तर केन्द्र सरकारले निरन्तरता दिन नसक्ने अवस्था रहेको सचिव कार्कीको भनाइ छ। </p>
<p>केन्द्र सरकारले ती आयोजनाहरूलाई निरन्तरता दिन नसक्ने र प्रदेश सरकारले स्वामित्व नलिँदा जनताले सास्ती बेहोर्नुपरेको बैठकमा सांसदहरूले प्रश्न उठाएको आजको आर्थिक अभियान दैनिकमा समाचार छ। </p>
<p>स्वामित्व कसले लिने भन्ने विषय नटुंगिदा आयोजना सम्पन्न हुने समय अन्योल देखिएको छ। </p>
प्रतिक्रिया दिनुहोस्
.jpg)
