मोटरसाइकल चोरी गिरोहका ११ जना पक्राउ
<p>काठमाडौं। उपत्यकाका विभिन्न स्थानबाट मोटरसाइकल चोरी गर्ने ११ जना पक्राउ परेका छन्। </p>
<p>महानगरीय प्रहरी वृत्त कीर्तिपुरले चन्द्रागिरि, नागार्जुन, कीर्तिपुरलगायतका विभिन्न स्थानबाट हराएका नौ वटा मोटरसाइकलसहित ११ जनालाई पक्राउ गरेको हो । </p>
<p>वृत्तका प्रमुख, प्रहरी नायब उपरीक्षक छेदुलाल कामतीले एकान्त ठाउँबाट मोटरसाइकल चोरी गर्ने गिरोहलाई पक्राउ गरिएको जानकारी दिए।</p>
<p>पक्राउ पर्नेमा कीर्तिपुरका मदन तामाङ, चितवनका सोम सुनार र सन्दीप गुरुङ, मकवानपुरका सन्तोष गोले, नवलपरासीका भरत थापा, चन्द्रागिरिका रिन्जेन मोक्तान, काभ्रेपलाञ्चोकका इन्द्रबहादुर तामाङ र गणेश लामा, सिन्धुलीका विक्रम भुजेल, बर्दियाका राजु पौडेल छन् । </p>
<p>चोरी मुद्दा दर्ता गरेर उनीहरुमाथि प्रहरीले अनुसन्धान शुरु गरेको छ। <em>रासस</em></p>
प्रतिक्रिया दिनुहोस्
.jpg)
