बसको ठक्करबाट झापामा १ जनाको मृत्यु
<p>सुरुङ्गा। पूर्व–पश्चिम राजमार्गअन्तर्गत झापाको बिर्तामोड सडकखण्डमा यात्रुवाहक बसको ठक्करबाट एक जनाको मृत्यु भएको छ । </p>
<p>मृत्यु हुनेमा इलाम घर भई हाल कन्काई नगरपालिका–३ लक्ष्मीपुर बस्दै आएका ५६ वर्षीय होमनाथ ढुंगेल छन्। </p>
<p>बिर्तामोडस्थित कृषि थोक बजारमा सेक्युरिटी गार्डको काम गर्दै आएका उनलाई आज बिहान बिर्तामोडको पश्चिम बस स्ट्याण्ड नजिकै ना. ४ ख ६११६ नम्वरको बसले ठक्कर दिएको हो।</p>
<p>बसको ठक्करबाट गम्भीर घाइते भएका ढुंगेलको उपचारका लागि बिर्तामोडस्थित बीएण्डसी अस्पताल लैजाने क्रममा बाटोमै मृत्यु भएको जिल्ला ट्राफिक प्रहरी कार्यालय, झापाले जनाएको छ। <em>रासस</em></p>
प्रतिक्रिया दिनुहोस्
.jpg)
