दुई ग्राम ब्राउन सुगरसहित तीन जना पक्राउ
<p>कैलाली। कञ्चनपुरको पुनर्वासबाट प्रहरीले ब्राउन सुगर (खैरो हेरोइन)सहित कारमा सवार तीन जनालाई प्रहरीले पक्राउ गरेको छ।</p>
<p>पक्राउ पर्नेमा कैलालीको गोदावरी नगरपालिका-५ का २० वर्षीय सुभाष भट्ट ,सोही ठाउँका २३ वर्षीय पुरन धामी र २४ वर्षीय लक्ष्मण कडायत रहेको इलाका प्रहरी कार्यालय त्रिभुवनबस्तीका प्रहरी नायब निरीक्षक गोपाल बोहराले जानकारी दिए।</p>
<p>२ पुस साँझ करीब साढे पाँच बजेतिर भारतीय बजार बसहीबाट आउँदै गरेको अवस्थामा पुनर्वास नगरपालिका–६ ‘ङ’गाउँबाट उनीहरूलाई प्रहरीले बा ६ प ७९३६ नम्बरको कारसहित पक्राउ गरेको हो। उनीहरूको साथबाट २ ग्राम ब्राउन सुगर बरामद भएको छ।</p>
<p>पक्राउ परेका तिनै जनालाई लागूऔषध ऎन अन्तर्गत मुद्दा दर्ता गरी म्याद थप गरिएको प्रहरी नायब निरीक्षक बोहराले जानकारी दिए।</p>
<p><br />
</p>
प्रतिक्रिया दिनुहोस्
.jpg)
