नेपाल भित्रियो कियाको सेल्टोस, आजैदेखि बिक्री शुरू (मूल्यसहित)
<p>काठमाडौं। नेपालका लागि कियाको आधिकारिक विक्रेता कन्टिनेन्टल्स ट्रेडिङले नयाँ एसयूभी सेल्टोस नेपाल भित्र्याएको छ। कम्पनीले एक कार्यक्रम गरी आजैबाट यसको यसको बिक्री शुरू गरेको छ।</p>
<p>कियाको भारतस्थित प्लान्टमा उत्पादित गाडी पहिलोपटक नेपाल भित्रिएको कम्पनीले बताएको छ। कोरियाली अटो निर्माता कम्पनी कियाले सन् २०१९ बाट भारतमा प्लान्ट राखेर सेल्टोस उत्पादन थालेको हो।</p>
<p>किया सेल्टोसमा सेगमेन्टकै पहिलो आठ इन्च एचयूडी र १०.२५ इन्च होरिजेन्टल्ली ओरिन्टेड टचस्क्रिन रहेको छ। यो एसयूभीमा इलेक्ट्रोनिक पार्किङ ब्रेक, क्वीट मोड तथा ड्राइभर टक मोड, हिल स्टार्ट असिस्ट कन्ट्रोल, नर्मल, इको र स्पोर्ट ड्राइभिङ मोडमा चलाउन मिल्नेलगायत विशेषता छन्।</p>
<p>१७ इन्च अलोय ह्वील, स्टाइली एलईडी टेललाइट, सार्प एलईडी हेडलाइट, एलईडी फगल्याम्पले एसयूभीलाई उत्कृष्ट बनाएको छ। सेल्टोस १.५ लिटर पेट्रोल, १.५ लिटर डिजेल १.४ लिटर टर्बो पेट्रोल इन्जिन अप्सनमा उपलब्ध छ।</p>
<p>किया मोटर्सका लागि नेपालको आधिकारिक वितरक कन्टिनेन्टल्स ट्रेडिङले सेल्टोसलाई विभिन्न पाँच भेरियन्टमा नेपाल ल्याउन लागेको हो। कम्पनीले सेल्टोसको शुरूआती मूल्य ४९ लाख ९० हजार रूपैयाँ तोकेको छ भने टप भेरियन्टको एचटीएक्स प्लसको मूल्य ६६ लाख ९० हजार तोकेको छ।</p>
प्रतिक्रिया दिनुहोस्
.jpg)
