गोठमा आगलागी, एक जनाको मृत्यु
<p>गुल्मी। गुल्मीको इस्मा गाउँपालिका–३ तोरीपाटामा गोठमा आगो लाग्दा एक जनाको मृत्यु भएको छ। </p>
<p>चिन्ताबहादुर सार्कीको गोठमा गएराति अचानक आगलागी हुँदा एक जनाको मृत्यु भएको जिल्ला प्रहरी कार्यालयका प्रहरी उपरीक्षक रवीन्द्रबहादुर खड्काले जानकारी दिए। आगलागीमा परेर मृत्यु भएका व्यक्तिको पहिचान खुल्न सकेको छैन। </p>
<p>घरका कुनै पनि व्यक्ति गोठमा नसुतेका कारण शव कसको हो भन्नेबारेमा अझै जानकारी नभएको बताइएको छ । घटनाको जानकारी पाएपछि आज बिहान इलाका प्रहरी कार्यालय पुर्कोटदहबाट प्रहरी टोली घटनास्थलतर्फ हिँडेको छ। आगलागीबाट गोठमा रहेका भैँसी र गोरु जलेर घाइते भएका छन् ।</p>
प्रतिक्रिया दिनुहोस्
.jpg)
