नेकपाले केन्द्रीय कमिटी बैठकको मिति भोलि तय गर्ने
<p>काठमाडौं। सत्तारुढ नेपाल कम्युनिष्ट पार्टी (नेकपा) को केन्द्रीय कमिटी बैठकको मिति भोलि, ६ पुसमा टुंगो लाग्ने भएको छ।</p>
<p>६ पुसमा सम्पन्न हुने स्थायी समिति बैठकले केन्द्रीय कमिटी बैठकको मिति टुंगो लगाउने नेकपाका केन्द्रीय सचिवालय सदस्य एवं उपप्रधानमन्त्री ईश्वर पोखरेलले <em>देखापढी</em>लाई बताए।</p>
<p>“पुसको अन्त्यमा वा माघ पहिलो साता बैठक बोलाउनेबारे मोटामोटी छलफल भएको छ”, पोखरेलले भने, “मितिको भने टुंगो लागेको छैन, भोलि सम्पन्न हुने स्थायी समिति बैठकले यसको निर्क्योल गर्नेछ।”</p>
<p>६ पुसको स्थायी समिति बैठकमा अध्यक्ष पुष्पकमल दाहालले अध्यक्षद्वयको राजनीतिक प्रतिवेदनमाथि प्राप्त सुझाव र टिप्पणीलाई सम्बोधन गर्नेछन्।</p>
<p>तत्कालीन नेकपा एमाले र नेकपा माओवादी केन्द्रको एकीकरणबाट गठित नेकपाको केन्द्रीय कमिटी ४४५ सदस्यीय छ। एकतापछि एकपल्ट मात्र केन्द्रीय कमिटी बैठक बसेको छ।</p>
प्रतिक्रिया दिनुहोस्
.jpg)
