Others

गृहपृष्ठ

सुनचाँदीका गहनासहित एक युवक पक्राउ लहान। अवैध सुनचाँदीको गरगहनासहित सिरहा प्रहरीले एक युवकलाई पक्राउ गरेको छ।  प्रहरी चौकी ठाडीको टोलीले गएराति अवैध सुनचाँदीको गहनासहित सिरहाको गोलबजार नगरपालिका–४ निवासी ३४ वर्षीय मनोज रायलाई पक्राउ गरेको हो ।  ज. २ प ६४२२ नम्बरको मोटरसाइकलबाट भारत आउँदै गरेका रायले  डिकीभित्र लुकाएर राखेको  गहना बरामद गरिएको जिल्ला प्रहरी कार्यालय, सिरहाका प्रवक्ता प्रहरी नायब उपरीक्षक अपिलराज बोहराले बताए।    रायको साथबाट हातमा लगाउने सुनको बाला दुई, मङ्गलसूत्र ठूलो–सानो गरी चार, नथी सिक्रीसहितको एक, कानमा लगाउने बाली दुई, टप दुई, झुम्का बाला टीका एक थान र चाँदीको पाउजु पाँच, हातमा लगाउने पञ्जा एक जोडी, ब्रासलेट एक थान, खुट्टामा लगाउने बिच्छी तीन थान, औँठी एक थान र बच्चाले लगाउने कलिया तीन थान बरामद भएको छ।