अपहरित गाउँपालिका अध्यक्षकी श्रीमती जंगलमा भेटिइन्, अध्यक्षको अवस्था अज्ञात
<p>काठमाडौं। गएराति अपहरित दैलेखको ठाटीकाँध गाउँपालिका अध्यक्ष दम्पतीमध्ये श्रीमती इला शाहीलाई छाडिएको छ। </p>
<p>ठाटीकाँध गाउँपालिका वडा नं १, लकान्द्रका वडाअध्यक्ष नरतमबहादुर बुढाले अध्यक्ष धीरबहादुर शाहीकी श्रीमतीलाई कालिकोटको सिमाना सुकाने जंगलमा भेटिएको बताए। </p>
<p>अध्यक्ष पत्नी इला नेपाल राष्‍ट्रिय शिक्षक संगठनकी केन्द्रीय उपाध्यक्ष हुन्। </p>
<p>गाउँपालिका अध्यक्षकी श्रीमती जंगलमा भेटिएको जनाउँदै दैलेखका प्रमुख जिल्ला अधिकारी युवराज कट्टेलले अध्यक्ष शाहीको अवस्था भने अझै पत्ता नलागेको बताए। </p>
<p>कसले किन अपहरण गर्‍यो भन्ने नखुलेको भन्दै अन्सन्धान भइरहेको सीडीओ कट्टेलको भनाइ छ। </p>
<p>गएराति १२ बजेतिर आएका १०/१५ जनाको समूहले अध्यक्ष शाहीको अपहरण गरेका थिए। </p>
प्रतिक्रिया दिनुहोस्
.jpg)
