Others

गृहपृष्ठ

संसदको हिउँदे अधिवेशनबाट एमसीसी सम्झौता अनुमोदन गर्न एमसीए नेपालको आग्रह काठमाडौं। अर्थ मन्त्रालय अन्तरगतको विकास समिति मिलेनियम च्यालेञ्ज अकाण्ट नेपाल (एमसीए-नेपाल) ले अमेरिकी सरकारको मिलेनियम च्यालेञ्ज कर्पोरेशन (एमसीसी) सँगको सम्झौता संसदबाट अनुमोदन गर्न आग्रह गरेको छ।  आज एक विज्ञप्ति प्रकाशित गर्दै एमसीए–नेपालले उक्त सम्झौतामा उल्लेख गरिएका पूर्वधार योजनाहरु समयमै सम्पन्न गर्न प्रतिबद्ध रहेको बताउँदै संसद्को हिउँदे अधिवेशनबाट उक्त सम्झौता अनुमोदन गर्न आग्रह गरेको हो।  एमसीसी नेपाल सम्झौताको औपचारिक कार्यान्वयन १६ असार २०७७ देखि हुँदैछ। यो सम्झौता कार्यान्वयन गर्नुपूर्व ६ वटा शर्तहरू पूरा गरिसक्नुपर्छ। त्यससमध्ये नेपाल-भारत सीमापार प्रसारण लाइन निर्माणसम्बन्धमा भारतसँग गर्नुपर्ने सम्झौतासहित चार वटा पूर्वशर्तहरु पूरा भइसकेको एमसीए–नेपालले जनाएको छ।  आयोजनाहरू समयमै कार्यान्वयन गर्न नेपालले प्राप्त गर्ने आर्थिक सहयोग सुनिश्चित गर्नका लागि थप दुई वटा पूर्वशर्त पूरा गर्नुपर्छ। त्यसमध्ये एमसीसी सम्झौताको संसदीय अनुमोदन एउटा प्रमुख पूर्वशर्त हो।  नेपालमा लगानी वृद्धि एवं आर्थिक विकासमा तीव्रता ल्याउन विद्युत्को उपलब्धता र भरपर्दोपनामा वृद्धि गर्ने, सडक गुणस्तर कायम गर्ने तथा उर्जा व्यापारलाई सहज बनाउने उद्देश्य राखेर तय गरिएका आयोजनाको कार्यान्वयनका लागि आवश्यक तयारी अन्तिम चरणमा पुर्&zwj;याएको एमसीए-नेपालले जनाएको छ।