जिप दुर्घटना नुवाकोटमा दुई जनाको मृत्यु, छ यात्रु घाइते
<p>काठमाडौं। नुवाकोटको बिदुर नगरपालिका–६ मुन्थलामा आज बिहान जिप दुर्घटना हुँदा दुई जनाको मृत्यु भएको छ। </p>
<p>दुर्घटनामा छ जना घाइते भएका छन्।</p>
<p>मुन्थला चैनपुर सडकखण्डमा काम गर्ने कामदार बोकेको बा. २ क ७९१० नम्बरको जिप सडकदेखि १०० मिटर तल खसेर दुर्घटना भएको हो।</p>
<p>दुर्घटनामा रसुवा नौकुण्डा गाउँपालिका–३ लाङटाङ बस्ने १९ वर्षीय सुदिप तामाङ र खोटाङ घर भएका १९ वर्षीय अनिल तामाङको मृत्यु भएको छ। </p>
<p>मृतकको शव पोष्टमार्टमका लागि त्रिशुली अस्पताल नुवाकोट पठाइएको छ।</p>
<p>घाइते छ जनालाई थप उपचारको काठमाडौं ल्याइएको छ। <br />
</p>
प्रतिक्रिया दिनुहोस्
.jpg)
