पीपीएलः बुटवललाई १४१ रनको लक्ष्य
<p>काठमाडौं। कप्तान दीपेन्द्रसिंह ऐरीको अर्धशतकप्रेरित धनगढी ब्जुलले पोखरा प्रिमियर लिग (पीपीएल)मा बुटबल ब्लास्टरलाई १४१ रनको लक्ष्य दिएको छ।</p>
<p>दीपेन्द्रसिंहले ६१ रन बनाएपछि टस हारेर ब्याटिङका लागि निम्त्याइएको धनगढीले १९.५ ओभरमा सबै विकेट गुमाएर १४० रन बनायो।</p>
<p>दीपेन्द्रसिंहले ४५ बलमा ६ चौका र दुई छक्कासहित ६१ रन बनाए। दीपेन्द्रसिंहबाहेक सन्दीप जोराले ३९ र सौरभ खनालले १० रन बनाउनुबाहेक अन्यले दोहोरो अंकमा रन बनाउन सकेनन्। धनगढीले अन्तिम १० बलमा चार विकेट गुमाएको थियो।</p>
<p>बुटवलका अभिनाष बोहराले चार विकेट लिँदा ललितसिंह भण्डारीले तीन विकेट लिए। कप्तान सोमपाल कामीको नाममा एक विकेट रह्यो।</p>
<p>धनगढीले यसअघिको तीनमध्ये एक खेल मात्र जितेको छ। बुटवलले तीन खेलमा दुई जित हात पारेको छ।</p>
<p>आजै सम्पन्न पहिलो खेलमा चितवन राइनोजले विराटनगर टाइटन्सलाई १८ रनले पराजित गरेको थियो।</p>
प्रतिक्रिया दिनुहोस्
.jpg)
