पीपीएलः बुटवल दोस्रो स्थानमा उक्लियो
<p>काठमाडौं। अफ्ताबुद्धिन अहमदको आक्रमक अर्धशतकप्रेरित बुटबल ब्लास्टरले आज धनगढी ब्लुजलाई सात विकेटले पराजित गर्दै दोस्रो स्थानमा उक्लिएको छ।</p>
<p>अफ्ताबुद्धिनले २३ बलमा एक चौका र सात छक्का प्रहार गर्दै ५२ रन बनाएका थिए। बुटबलका शंकर रानाले २५, हर्ष तोन्कले ४० रन बनाए। शिभम सिंह १५ र भीम सार्की सात रनमा अविजित रहे।</p>
<p>बुटवलले १४१ रनको लक्ष्य १६.४ ओभरमा ३ विकेट गुमाएर पूरा गरेको थियो। धनगढीका अनिल खरेलले दुई र दीपक पुनियाले एक विकेट लिए।</p>
<p>चार खेलमा बुटवलले तीन खेलमा जित निकाल्दै ६ अंक जोडेको छ। धनगढीले यसअघिको तीनमध्ये एक खेल मात्र जितेको छ।</p>
<p>त्यसअघि कप्तान दीपेन्द्रसिंह ऐरीको अर्धशतकप्रेरित धनगढी ब्जुलले पोखरा प्रिमियर लिगमा बुटवल ब्लास्टरलाई १४१ रनको लक्ष्य दिएको थियाे।</p>
<p>दीपेन्द्रसिंहले ४५ बलमा ६ चौका र दुई छक्कासहित ६१ रन बनाए। दीपेन्द्रसिंहबाहेक सन्दीप जोराले ३९ र सौरभ खनालले १० रन बनाउनुबाहेक अन्यले दोहोरो अंकमा रन बनाउन सकेनन्। धनगढीले अन्तिम १० बलमा चार विकेट गुमाएको थियो।</p>
<p>बुटवलका अभिनाश बोहराले चार विकेट लिँदा ललितसिंह भण्डारीले तीन विकेट लिए। कप्तान सोमपाल कामीको नाममा एक विकेट रह्यो।</p>
प्रतिक्रिया दिनुहोस्
.jpg)
