नेपाल टेलिकमको वेबसाइटमै पाइन्छ अब फोन नम्बर
<p>काठमाडौं। नेपाल टेलिकमले आफूलाई चाहिएको व्यक्ति वा संस्थाको फोन नम्बर अब १९७ मा सोध्नुपर्ने अवस्थाको अन्त्य गरेको छ। </p>
<p>टेलिकमको <a href="https://www.ntc.net.np/pstn" target="_blank">वेबसाइट</a>बाटै आवश्यकताबमोजिम कुनै पनि व्यक्ति तथा संस्थाको स्थानीय टेलिफोन नम्बर थाहा पाउन सकिने भएको छ ।</p>
<p>थाहा नभएका तर सम्पर्क गर्नुपर्ने टेलिफोन नम्बर पत्ता लगाउन हालसम्म १९७ मा फोन गरेर सोध्नुपर्ने व्यवस्था रहेको थियो। </p>
<p>अब कम्पनीको वेबसाइटबाट हेर्न मिल्ने गरी सुविधा उपलब्ध गराइएको टेलिकमले जनाएको छ। </p>
<p>नेपाल टेलिकमको वेब पेजमार्फत यस प्रकारको पिएसटीएन टेलिफोन सोधपुछ प्रणाली सञ्चालनमा ल्याइएको छ।</p>
<p>त्यसका लागि कम्पनीको <a href="https://www.ntc.net.np/pstn" target="_blank">वेबसाइटमा</a> लगअन गर्नुपर्छ। </p>
<p>यसपछि त्यहाँ दिइएको ‘टेलिफोन इन्क्वाइरी’ मा आफूलाई चाहिएको व्यक्ति वा संस्थाको नम्बर खोज्न सकिन्छ।</p>
<p>व्यक्तिगत ग्राहकका हकमा व्यक्तिको नामका साथै ठेगाना र जिल्ला लेखेर नम्बर पत्ता लगाउन सकिन्छ।</p>
<p>त्यसैगरी संस्थागत ग्राहकका हकमा कम्पनीको नाम, ठेगाना र जिल्लाअनुसार टेलिफोन नम्बर प्राप्त गर्न सकिन्छ। <br />
</p>
.jpg)
