जनकपुरधाममा शंकास्पद बस्तु भेटियो
<p>काठमाडौं। धनुषाको जनकपुरधाममा शंकास्पद बस्तु भेटिएको छ। </p>
<p>जनकपुरधाम उपमहानगरपालिकाको भैरव चोकमा वस्तीनजिकै सडकको बीचमा रातो कपडाले बेरिएको अवस्थामा शंकास्पद वस्तु फेला परेको जिल्ला प्रहरी कार्यालय, धनुषाका डीएसपी रामेश्वर कार्कीले बताए। </p>
<p>शंकास्पद बस्तु बम भएको आशंकामा प्रहरीले वरपर सुरक्षा घेरा लगाएको छ। </p>
<p>सो बस्तुको आवश्यक जाँचपड्तालका लागि नेपाली सेनाको बम डिस्पोज टोलीलाई खबर गरिएको डीएसपी कार्कीले बताएका छन्। </p>
<p>केही दिनयता धनुषामा श्रृंखलावद्ध बम विस्फोट भइरहेको छ।</p>
<p>२७ मंसीरमा भएको बम विस्फोटमा परी धनुषाको क्षिरेश्वरनाथ नगरपालिका–५ महेन्द्रनगरका औषधी व्यवसायी राजेश साह, उनको छोरा आनन्द साह र इलाका प्रहरी कार्यालय महेन्द्रनगरका इञ्चार्ज, प्रहरी निरीक्षक अमिर दाहालको मृत्यु भएको थियो।<br />
</p>
प्रतिक्रिया दिनुहोस्
.jpg)
