बसको ठक्करबाट विद्यार्थीको मृत्यु, चाबहिल तनावग्रस्त
<p>काठमाडौं। बसको ठक्करबाट काठमाडौंको सुकेधारामा एक विद्यार्थीको मृत्यु भएको छ। </p>
<p>पशुपति बहुमुखी क्याम्पस चाबहिलमा अध्ययनरत् छात्राको मृत्युपछि आक्रोसित विद्यार्थीहरुले एक बसमा आगजनी गरेपछि चाबहिल क्षेत्र तनावग्रस्त बनेको छ। </p>
<p>भक्तपुरको कमलिवनायकबाट नयाँ बसपार्कका लागि छुटेको बा ४ ख ५९२० नम्बरको बसले ठक्कर दिएर सडक पार गर्दै गरेकी पशुपति बहुमुखी क्याम्पसमा स्‍नातक तह चौथो वर्ष अध्ययरत् छात्रा सृष्‍टि पन्त घाइते भएकी थिइन्। </p>
<p>गोरखाकी सृष्‍टिको ओम अस्पतालमा उपचारको क्रममा आज बिहान सवा ९ बजे मृत्यु भएको महानगरीय प्रहरी कार्यालयका प्रवक्ता एसएसपी श्यामलाल ज्ञवालीले <em>देखापढी</em>लाई बताए। </p>
<p>सहपाठीको मृत्युपछि आक्रोसित विद्यार्थीहरुले भक्तपुर-बसपार्क चल्ने बा. ४ ख ७१०४ नम्बरको अर्को बसमा आगजनी र तोडफोड गरेका छन्। </p>
<p>विद्यार्थीको प्रदर्शनपछि सो क्षेत्रमा सवारी आवागमन प्रभावित भएको छ।</p>
<p>प्रहरीले प्रदर्शनमा उत्रिएका केही विद्यार्थीहरुलाई पक्राउ गरेको जनाएको छ। </p>
प्रतिक्रिया दिनुहोस्
.jpg)
