काठमाडौंका विभिन्न क्षेत्रबाट ८६ विदेशी नागरिक पक्राउ
<p>काठमाडौं। प्रहरीले काठमाडौंका विभिन्न क्षेत्रमा विदेशी नागरिक समात्न अप्रेशन चलाएको छ। </p>
<p>केन्द्रीय अनुसन्धान ब्यूरो, अपराध महाशाखा र महानगरीय प्रहरी परिसर, काठमाडौंको संयुक्त टोलीले मनमैंजु र बाँसबारीलगायतका क्षेत्रमा अप्रेशन चलाएको हो। </p>
<p>प्रहरीको अप्रेशनमा बैंकिङ ह्याकिङमा संलग्न चिनियाँ नागरिक पनि पक्राउ परेको बताइएको छ। चिनियाँका अलवा अन्य विदेशी नागरिक पनि समातिएका छन्। अहिलेसम्म ८६ भन्दा बढी चिनियाँ नागरिक प्रहरी नियन्त्रणमा छन्।</p>
<p>गैरकानूनी रूपमा बसेको भन्ने सूचनाको आधारमा अप्रेशन चलाइएको र अहिले पनि अप्रेशन जारी रहेको परिसरका डीएसपी होविन्द्र बोगटीले <em>देखापढी</em>लाई जानकारी दिए।</p>
<p>अप्रेशन चलिरहेकाले पक्राउ पर्नेको संख्या बढ्न सक्ने प्रहरीले बताएको छ। </p>
प्रतिक्रिया दिनुहोस्
.jpg)
