बेपत्ता बालिका २७ दिनपछि मृत भेटिइन्
<p>अछाम। अछाममा १० मंसीरदेखि बेपत्ता बालिका मृत अवस्थामा फेला परेकी छन्। </p>
<p>कमलबजार नगरपालिका–७ जामाकी १६ वर्षीया बासु जैसी २७ दिनपछि कमलबजार नगरपालिका–६ को उराईटी वनमा ६ पुस साँझ मृत फेला परेकी हुन्। स्थानीय महिलाले घाँस काट्ने क्रममा उनलाई फेला पारेकी प्रहरीले जनाएको छ।</p>
<p>मृतक बासुको अनुहारको केही भागको मासु नभएको र अरु शरीर अंगभंग नभएको बताइएको छ। मृतकले लगाएको अलादानी तथा नाम्लो अलग–अलग ठाउँमा भेटिएको र शरीरमा केही काला डाम समेत रहेका बताइएको छ।</p>
<p>जिल्ला अस्पताल अछाममा पोस्टमार्टम गरी आफन्तलाई शव बुझाइएको अछामका प्रहरी नायब उपरीक्षक डीएसपी दीपक भारतीले बताए। घटनाबारे थप अनुसन्धान जारी रहेको र पोष्टमार्टम रिपोर्ट अनुसार आवश्यक अन्य अनुसन्धान गरीने डीएसपी भारतीले जानकारी दिए।</p>
<p>१० मंसीर दिउँसो ३ बजे आमाले काटेको घाँस ल्याउन भन्दै उनी करीब डेढ घण्टा टाढा बजेडी चिलिमे वनतिर गएकी थिइन्। </p>
प्रतिक्रिया दिनुहोस्
.jpg)
