डीआईजी पोखरेलले कार्यभार सम्हाले
<p>काठमाडौं। प्रहरी नायब महानिरीक्षक विश्वराज पोखरेलले महानगरीय प्रहरी आयुक्तको कार्यालय, रानीपोखरीको जिम्मेवारी सम्हालेका छन्।</p>
<p>२ पुसमा मन्त्रीस्तरीय निर्णयबाट पोखरेलको महानगरी प्रहरी आयुक्तको कार्यालयमा सरूवा भएको थियो।</p>
<p>पोखरेललाई आज बिहान रानीपोखरीका सिनियर प्रहरी अधिकृतहरू, कार्यालय मातहतका अन्य निकायका प्रमुखहरूले स्वागत गरेका थिए।</p>
<p>उनले कार्यभार सम्हाल्दै मातहतका प्रहरी कर्मचारीहरूलाई जनताले शान्ति सुरक्षाको प्रत्याभूति हुने हिसाबले काम गर्न निर्देशन दिए।</p>
<p>प्रहरी महानिरीक्षकको सचिवालय नक्साल कार्यरत रही प्रवक्ताको जिम्मेवारीसमेत निर्वाह गरेका पोखरेलले यसअघि महानगरीय प्रहरी परिसर, काठमाडौंको प्रमुख भएर काम गरिसकेका छन्।<br />
</p>
प्रतिक्रिया दिनुहोस्
.jpg)
