गाडीमा ३४ केजी गाँजा भेटियो, चालक पक्राउ
मकवानपुर। प्रहरीले ३४ केजी गाँजासहित एक जनालाई पक्राउ गरेको छ। पक्राउ पर्नेमा पर्सा बिन्दवासिनी गाउँपालिका–३ बस्ने २९ वर्षीय रविन्द्र उपाध्याय छन्। उनलाई भिमफेदी गाउँपालिका–२ भैसेस्थित सडकबाट पक्राउ गरिएको प्रहरीले जनाएको छ। ना.१ ज ४७३३ नम्बरको गाडीलाई प्रहरी चौकी भैसेबाट खटिएको प्रहरीले जाँच गर्ने क्रममा उक्त परिमाणको गाँजा फेला पारी गाडीका चालक उपाध्यायलाई पक्राउ गरिएको हो।
प्रतिक्रिया दिनुहोस्
.jpg)
