पक्राउ परेका १२२ जना चिनियाँ नागरिक लिन चार्टर्ड विमान आउँदै
<p>काठमाडौं। अवैध रूपमा बसेका तथा आर्थिक अपराधमा संलग्न १२२ जना चिनियाँलाई प्रहरीले ७ पुसमा काठमाडौंका विभिन्न स्थानमा पक्राउ गर्‍यो। </p>
<p>विदेशी नागरिक यति ठूलो संख्यामा पक्राउ परेको यो नै सबैभन्दा ठूलो अपरेसन हो। </p>
<p>पक्राउ परेकामध्ये धेरैजसो इन्टरनेटमार्फत हुने जुवा, सट्टेबाजी र अन्य ठगीसम्बन्धी आर्थिक अपराधमा संलग्नहरू छन्। </p>
<p>चिनियाँ प्रहरीको अनुरोधमा पक्राउ परेका उनीहरूलाई लिन उतैबाट चार्टर्ड विमान आउँदै छ। </p>
<p>चिनियाँहरूलाई प्रहरीले ठाउँठाउँबाट समूह-समूहमा पक्राउ गरेको हो।</p>
<p>चिनियाँ अधिकारीले दिएको सूचीकै आधारमा मनमैजुका चार, बाँसबारीका दुई र बुढानीलकण्ठको एक घरमा छापा हानी प्रहरीले उनीहरूलाई पक्राउ गरेको थियो। </p>
<p>यो अभियान जारी नै रहेने प्रहरी अधिकारीले जनाएको आजको नयाँ पत्रिकामा समाचार छ। </p>
<p>“चिनियाँ पक्षले छ सयजनाको सूची दिएको छ, सोचेभन्दा थोरै मात्र पक्राउ परे, धेरै भागिसकेका हुन सक्छन्। यो अपरेसन जारी रहन्छ”, एक उच्च प्रहरी अधिकारीले भने। </p>
प्रतिक्रिया दिनुहोस्
.jpg)
