सुनसरीमा एम्बुलेन्स दुर्घटनामा एक जनाको मृत्यु
<p>इनरुवा। सुनसरीको भोक्राहा नरसिंह गाउँपालिका–५ मा एम्बुलेन्स दुर्घटना हुँदा एक जनाको मृत्यु भएको छ। </p>
<p>मृत्यु हुनेमा उदयपुर चौडण्डीगढी-५ का ५० वर्षीय चेतबहादुर विष्ट रहेको प्रहरी नायब उपरीक्षक विनोद शर्माले जानकारी दिए। </p>
<p>पूर्वबाट पश्चिमतर्फ जाँदै गरेको ना. ७ख ३५५३ नम्बरको ट्रकलाई सोही दिशातर्फ जाँदै गरेको स. १ च ४९६ नम्बरको एम्बुलेन्सले पछाडिबाट ठक्कर दिँदा एम्बुलेन्समा सवार विष्टको मृत्यु भएको हो। </p>
<p>७ पुसमा भएको सो दुर्घटनामा एम्बुलेन्स घाइते चालकको जिल्ला अस्पताल इनरुवा र अन्य तीनजनाको विराटनगरस्थित नोबेल अस्पतालमा उपचार भइरहेको प्रहरीले जनाएको छ। <em>रासस</em></p>
प्रतिक्रिया दिनुहोस्
.jpg)
