रोहन र बाबरको उत्कृष्ट प्रदर्शन,चितवनले काठमाडौंलाई दियो १६८ रनको लक्ष्य
<p>काठमाडौं। रोहन मुस्तफा र बाबर हायतको अर्धशतकमा चितवन राइनोजले आज पोखरा प्रिमियर लिगमा काठमाडौं गोल्डेन्स वारियर्सलाई १६८ रनको लक्ष्य दिएको छ।</p>
<p>चितवनले निर्धारित २० ओभरमा ४ विकेट गुमाएर १६७ रन बनाएको थियो। काठमाडौं गोल्डेन्सका कप्तान ज्ञानेन्द्र मल्लले टस जितेर बलिङ गर्ने निर्णय गरेका थिए।</p>
<p>त्यसपछि ब्याटिङ थालेको चितवनका कप्तान पारस खड्काले आज ब्याटिङ लाइनअपमा परिवर्तन गरेका थिए। ओपनिङमा ब्याटिङ गर्न आउने पारसले आज करण केसीलाई रोहन मुस्तफासँग ब्याटिङ गर्न पठाएका थिए।</p>
<p>तर, करणले एक रन मात्र जोड्न सके। त्यसपछि रोहन मुस्तफाले बाबर हायतसँग दोस्रो विकेटका लागि १२० रनको साझेदारी गरे। रोहन ५९ रनमा अविजित रहे। उनले ५२ बलमा ६ चौका र १ छक्का प्रहार गरे।</p>
<p>बाबरले ४७ बलमा ३ चौका र ६ छक्कासहित ७० रन जोडे। आरिफ शेख र सन्नी पटेलले समान १५ रन जोडे।</p>
<p>काठमाडौंका सुशन भारी, बसन्त रेग्मी, अमरसिंह राउटेलाले समान १/१ विकेट लिए। चितवन टाइगर्सले आजको खेल जिते फाइनलमा स्थान बनाउनेछ। पराजित भए काठमाडौंले बुटवल ब्लास्टर र विराटनगर टाइटन्सबीचको नतिजा कुर्नु पर्नेछ।</p>
<p>आज काठमाडौं हारेर भोलि बुटवलले विराटनगरलाई हरायो भने दुबै टोलीको समान ८ अंक हुनेछ। त्यस्तोमा रनरेटको आधरमा फाइनल पुग्नेको टुंगो लाग्नेछ।</p>
प्रतिक्रिया दिनुहोस्
.jpg)
