प्रधानमन्त्रीसँग भारतीय राजदूतको विदाइ भेट
<p>काठमाडौं। नेपालका लागि भारतीय राजदूत मञ्जिवसिंह पुरीले प्रधानमन्त्री केपी शर्मा ओलीसँग भेट गरेका छन्।</p>
<p>प्रधानमन्त्रीनिवास बालुवाटार पुगेर राजदूत पुरीले प्रधानमन्त्री ओलीसँग विदाइ भेट गरेका हुन्। भेटमा प्रधानमन्त्री ओलीले राजदूत पुरीको कार्यकालमा नेपाल-भारत सम्बन्ध थप उचाईमा पुगेको चर्चा गरे। </p>
<p>उनले पुरीलाई सफल कार्यकालका लागि धन्यवाद दिए। </p>
<p>भेटमा प्रधानमन्त्री ओलीले राजदूत पुरीलाई मायाको चिनोसमेत प्रदान गरे।</p>
<p>राजदूत पुरी आफ्नो कार्यकाल सकेर १५ पुसमा स्वदेश फर्कदैछन्। पुरीले पछिल्लो समय नेपालका विभिन्न नेताहरूसँग विदाइ भेट गरिरहेका छन्।</p>
<p>उनले ७ पुसमा मात्रै नेपाली कांग्रेसका सभापति शेरबहादुर देउवासँग भेट गरेका थिए। </p>
<p>त्यसअघि उनले केहीदिन पहिले नेपाल कम्युनिष्ट पार्टी (नेकपा)का अध्यक्ष पुष्पकमल दाहाल, वरिष्ठ नेता माधवकुमार नेपालसँग विदाइ भेट गरेका थिए।</p>
<p><br />
</p>
प्रतिक्रिया दिनुहोस्
.jpg)
