राष्ट्रपतिद्वारा ‘क्रिसमस डे’ को शुभकामना
<p>काठमाडौ‌ं। राष्ट्रपति विद्यादेवी भण्डारीले बहुमूल्य सम्पदाको रूपमा रहेका चाडपर्व र संस्कृतिको संरक्षण एवं संवद्र्धन गर्नु सबैको दायित्व भएको बताएकी छन्। </p>
<p>इसाई धर्मालम्बीहरूको महानपर्व ‘क्रिसमस डे’ का अवसरमा आज एक शुभकामना सन्देश दिँदै राष्ट्रपति भण्डारीले स्वदेश तथा विदेशमा रहेका इसाई धर्मावलम्बी नेपालीको सुस्वास्थ्य, सुख, शान्ति, समृद्धि र उत्तरोत्तर प्रगतिको कामना गरेकी छन्। </p>
<p>‘क्रिसमस डे’ लगायतका पर्वले विभिन्न समुदायबीच सद्भाव र समन्वय अभिवृद्धि गर्न महत्वपूर्ण भूमिका खेलेको राष्ट्रयपतिको शुभकामना सन्देशमा उल्लेख छ। </p>
<p><img alt="" height="1101" src="https://www.dekhapadhi.com/storage/photos/shares/Culture/crismas rastrapati suvakamana.jpg" width="800" /></p>
<p>‘यस पर्वले सबै नेपालीबीच बन्धुत्व, आपसी प्रेम र एकताको भावना बढाएर शान्त र समुन्नत नेपाल निर्माण गर्न प्रेरणा प्रदान गर्नेछ भन्ने कामना गर्दछु’, राष्ट्रपतिको सन्देशमा भनिएको छ। </p>
<p><br />
</p>
प्रतिक्रिया दिनुहोस्
.jpg)
