मलेसियामा भवनबाट खसेर अपांग बनेका भोजपुरका युवाले मागे उपचारमा सहयोग
<p>भोजपुर। मलेसियामा भवन बनाउने क्रममा सात तला माथिबाट खसेर गम्भीर घाइते बनेका रामप्रसादराई गाउँपालिका-४, का लोकबहादुर खत्रीको परिवारले उपचारका लागि सहयोगको याचना गरेका छन्। </p>
<p>वैदेशिक रोजगारीमा मलेसिया पुगेका ३५ वर्षीय लोकबहादुरको ११ वर्षअघि भवनको काम गर्दा गर्दै लडेर पेट र खुट्टामा गम्भीर चोट लागेको थियो। </p>
<p>पेट र भाँचिएको खुट्टाको अप्रेसन गरेका उनको घाउ पुनः बल्झिएको हो। </p>
<p>भवन बनाउने क्रममा सात तला माथिबाट खसेर उनको खुट्टा र पेटमा गम्भिर चोट पुगेको छ। उनको खुट्टामा स्टिल लगाईएको छ।</p>
<p>मलेसियाबाट फर्केर भोजपुर, धरान, विराटनगर हुँदै काठमाडौंसम्म पुग्दा पैसा सकिएको उनका दाजु कूलबहादुरले बताए। </p>
<p>अहिले लोकबहादुरको काठमाडौं सिनामंगलस्थित केएमसी अस्पतालमा उपचार गराइरहेका छन्। </p>
<p>“डाक्टरले फेरि अप्रेसन गर्नुपर्छ भनेको छ, यता र उता कुदाउँदा कुदाउँदै पैसा सबै सकियो, त्यसैले हारगुहार गदैछौँ”, कूलबहादुरले देखापढीसँग भने। </p>
<p>अहिलेसम्म खत्रीको उपचारका लागि दुई लाख रूपैयाँभन्दा बढी खर्च भईसकेको र अस्पतालले अझै तीन लाख रकम मागेको परिवारले बताएका छन्। </p>
<p>खत्रीलाई बचाइदिन उनका परिवारले भोजपुरस्थित राष्ट्रिय वाणिज्य बैंक शाखाको कूलबहादुर खत्री (सम्पर्क ९८४२२७२७५२) को नाममा रहेको खाता नम्बर २०४००२०४३७१० मा रकम सहयोग गरिदिन माग गरेका छन्। </p>
प्रतिक्रिया दिनुहोस्
.jpg)
