भक्तपुर रेडक्रसले चार वर्षदेखि बुझाएन कर
<p>काठमाडौं। नेपाल रेडक्रस सोसाइटी भक्तपुर शाखाले आर्थिक वर्ष २०७१/७२ देखिको जरिवानासहित साढे चार लाखभन्दा बढी अग्रीम आयकर बुझाएको छैन। </p>
<p>आन्तरिक राजस्व कार्यालय, जगाती भक्तपुरले ७ पुसमा रेडक्रसलाई पत्र पठाएर पत्र प्राप्त भएको मितिले सात दिनभित्र रकम बुझाउन म्याद दिएको छ। </p>
<p>कार्यालयको पत्रमा आर्थिक वर्ष २०७१/७२ देखि २०७४/७५ सम्मको कारोबार स्रोतको कर ब्याज तथा थप दस्तुरसमेत गरी चार लाख ५७ हजार ६६३ रुपैयाँ पाँच पैसा बुझाउन भनिएको छ। </p>
<p>भ्रष्टाचार र अनियमितताको विवादमा मुछिएको सामाजिक संस्था नेपाल रेडक्रस सोसाइटीसँग जिल्ला प्रशासन कार्यालय, काठमाडौंले १ पुसमा पत्र लेखेर चार वर्षदेखिको कागजात मागेको थियो।</p>
<p>३० असार २०७६ देखि नै संस्था नवीकरण अवधि सकिएपछि अहिले नेपाल रेडक्रस सोसाइटी अवैधानिक रुपमा सञ्चालन भइरहेको छ। </p>
<p>त्यस्तै १६ असोजमा यातायात व्यवस्था कार्यालयलयले रेडक्रसको नाममा दर्ता रहेको सवारी साधन प्रमाणपत्र नवीकरण गर्न पत्राचार गरेको थियो। </p>
<p><img alt="" height="1060" src="https://www.dekhapadhi.com/storage/photos/shares/Social/redcross tax letter.jpg" width="750" /></p>
<p>पढ्नुहोस्:</p>
<p><a href="https://dekhapadhi.com/news/3906" target="_blank">वैधानिक हुन रेडक्रसलाई प्रशासनको पत्र (पत्रसहित)</a></p>
प्रतिक्रिया दिनुहोस्
.jpg)
