कन्सल्टेन्सीको नाममा ठगी गर्ने पक्राउ
<p>काठमाडौं। वैदेशिक रोजगारमा पठाइदिने भन्दै ठगी गर्ने एक जनालाई महानगरीय अपराध महााशाखाको टोलीले पक्राउ गरेको छ।</p>
<p>धादिङ घर भइ हाल ललितपुर बस्ने ४२ वर्षीय सुमन भन्ने मानबहादुर गुरूङलाई प्रहरीले पक्राउ गरेको हो।</p>
<p>रिहाना एजुकेशन कन्सल्टेन्सीको सञ्चालक भन्दै दश लाख ५० हजार बढी ठगी गरेको अभियोगमा उनी पक्राउ परेका हुन्। </p>
<p>म्याग्दी मालिका गाउँपालिका–५ घर भई हाल काठमाडौं सामाखुशी बस्ने ५० वर्षीय हुमलाल गुरुङ समेतका व्यक्तिहरूले महाशाखामा जाहेरी दिएपछि प्रहरीले उनलाई पक्राउ गरेको हो।</p>
<p>काठमाडौं डिल्लीबजारबाट पक्राउ परेका उनलाई अपराध महाशाखाले थप अनुसन्धानका लागि महानगरीय प्रहरी परिसर टेकुको जिम्मा लगाएको छ।<br />
</p>
प्रतिक्रिया दिनुहोस्
.jpg)
