नेपाल भ्रमण वर्षका लागि सुदूरपश्चिमकाे लोगो तयार
<p>कैलाली। सुदूरपश्चिम प्रदेश सरकारले नेपाल भ्रमण वर्षका लागि लोगो तयार गरेको छ। प्रदेशको उद्योग, पर्यटन, वन तथा वातावरण मन्त्रालयले उक्त लोगो अनुमोदन गरेको हो।</p>
<p>सुदूरपश्चिम प्रदेश पर्यटन प्रवर्द्धन समितिले प्रदेश भ्रमण वर्ष २०२० को लोगो अनुमोदन गरेको छ। पर्यटकीय गतिविधि प्रचार-प्रसार उपसमितिले उक्त लोगो समितिको बैठकमा पेश गरेको थियो।</p>
<p>‘देवभूमि सुन्दरभूमि’ अंकित लोगो उक्त समितिले अनुमोदन गरेको उद्योग, पर्यटन, वन तथा वातावरण मन्त्रालयलका सूचना अधिकारी भोजराज पाठकले जानकारी दिए।</p>
<p>लोगोको किनारामा नेपालको झण्डाको संकेत गर्ने नीलो, रातो र सेतो रंगको घेरा छ भने अपि र सैपाल हिमाल सिरानमा रहेको उक्त लोगोमा देवभूमिको संकेत गर्ने गरी मन्दिरको स्केच राखिएको छ।</p>
<p>सांकेतिकरूपमा तराई, पहाडी–हिमाली संस्कृति झल्कने महिला र पुरूषको स्केचका साथै यस प्रदेशको प्रकृतिमा आधारित पर्यटकीय आकर्षण एवं मानवनिर्मित पर्यटकीय आकर्षणहरू समेत प्रस्तुत हुने गरी लोगो तयार पारिएको सूचना अधिकारी पाठकले जानकारी दिए ।</p>
प्रतिक्रिया दिनुहोस्
.jpg)
