रेडकर्नर नोटिसधारी तीन जना चिनियाँ अपराधी नेपालमा
<p>काठमाडौं। तीन जना कुख्यात अपराधी नेपालमा लुकेर बसेको भन्दै उनीहरूलाई पक्राउ गरिदिन चीनले नेपाल सरकारलाई पत्राचार गरेको छ। </p>
<p>रेडकर्नर नोटिसमा सूचीकृत अन्य तीन जनाको पनि खोजी गरिदिन चीनको विदेश मन्त्रालयले नेपालस्थित दूतावासमार्फत सरकारलाई पत्राचार गरेको छ। </p>
<p>‘ईडी ८७८९४६५’ नम्बरको राहदानीवाहक यु अइहाई, ‘ईजी ००९१७४५’ राहदानी भएका जहाङ जोङमोउ र ‘ईई ७८६२३१०’ नम्बरको राहदानीवाहक क्यु क्विङलाई पक्राउ गर्न इन्टरपोल चीन र त्यहाँको विदेश मन्त्रालयबाट पत्र आएको हो। </p>
<p>फरार रहेकामध्ये युको राहदानी १७ सेप्टेम्बर २०१८ र जहाङको १७ अप्रिल २०१९ मा जारी भएको हो। </p>
<p>चीन सरकारकै अनुरोधनमा नेपालमा बसेका अन्य १२२ जनालाई प्रहरीले ७ पुसमा पक्राउ गरिसकेको छ। </p>
<p>चीनमा अपराध गरेर भागेका आफ्ना नागरिकको निगरानी गर्न चिनियाँ सुरक्षाकर्मीको विशेष टोली अहिले काठमाडौंमै छ। </p>
<p>चिनियाँ दूतावासले पठाएको पत्र परराष्ट्र, गृह मन्त्रालय हुँदै मंसीर तेस्रो साता प्रहरी प्रधान कार्यालय पठाइएको थियो।</p>
<p>त्यसको जानकारी अध्यागमन विभाग स्रोतले उनीहरु कहिले नेपाल आएको भन्ने विवरण दिन नचाहेको आजको कान्तिपुर दैनिकमा समाचार छ। </p>
<p>रेड कर्नर नोटिसधारी विदेशी नेपालको अध्यागमन कानून छलेर कसरी भित्रिए भन्नेमा पनि प्रहरीले अनुसन्धान गरिरहेको छ। </p>
प्रतिक्रिया दिनुहोस्
.jpg)
