आज सूर्यग्रहण, सुरक्षित तरिकाले अवलोकन गर्न सुझाव
<p>काठमाडौं। आज खण्डग्रास (आधा ढाक्ने) सूर्यग्रहण लाग्दैछ। </p>
<p>नेपाल पञ्चाङ्ग निर्णायक समितिका अध्यक्ष प्राध्यापक डा. रामचन्द्र गौतमका अनुसार ग्रहणले बिहान ८:४२ मा स्पर्श गर्ने छ। </p>
<p>पश्चिम र नैऋत्य कोणको बीचबाट बिहान ग्रहण शुरु हुनेछ।</p>
<p>बिहान १०:०१ बजे मध्य हुने ग्रहण ११:३१ बजे समाप्त हुनेछ।</p>
<p>पूर्व र आग्नेय कोणको बीचबाट ग्रहण समाप्त हुने समितिले जनाएको छ। </p>
<p>सूर्यग्रहणको सुरक्षित अवलोकन गराउनका लागि उपत्यका र देशका अन्य ठाउँहरुमा तयारी गरिएको छ। </p>
<p>मध्यपूर्वका केही देश, दक्षिण भारत, इण्डोनेसियाबाट आजक सूर्य ग्रहण देखिने बताइएको छ। </p>
<p>सूर्य ग्रहणलाई सुरक्षित तरिकाले मात्रै हेर्न विज्ञहरुको सुझाव छ। </p>
<p>सुरक्षाको उपाय नअपनाई नांगो आँखाले अवलोकन गरेमा आँखा पुरै विग्रने वा दीर्घकालिन असर पर्ने उनीरुले बताएका छन्।</p>
<p>हिमाल आरोहणको क्रममा लगाइने विशेष प्रकारको गाढा रङ्गको चश्मा वा वेल्डिङ गर्दा प्रयोग गरिने चश्मा, कुनै भाँडामा पानी राखेर वा सुरक्षितयन्त्रका माध्यमबाट सूर्य ग्रहणको अवलोकन गर्नु सुरक्षित मानिन्छ।</p>
<p>ग्रहण हेर्न कर्कट, तुला, कुम्भ र मीन राशि हुनेहरूका लागि राम्रो छ।</p>
<p>बाँकी राशिकालाई शुभ फल नदिने पञ्चाङ्गमा उल्लेख गरिएको छ।</p>
<p>मेष राशि हुनेलाई माननाश, वृषलाई कष्ट, मिथुनलाई स्त्रीपीडा, कर्कटलाई सौख्य, सिंहलाई चिन्ता, कन्यालाई व्यय, तुलालाई श्रीप्राप्ति, वृश्चिकलाई क्षति, धनुलाई घात, मकरलाई व्यय, कुम्भलाई लाभ र मीनलाई सुख प्राप्तिको फल प्राप्त हुने जनाइएको छ। </p>
<p>शुभ फल मिल्ने राशि भएकालाई पनि सूर्यग्रहण प्रत्यक्ष आँखाले भने नहेर्न समितिको आग्रह छ। </p>
प्रतिक्रिया दिनुहोस्
.jpg)
