तनहुँमा पासोमा पर्यो चितुवा
<p>काठमाडौं। तनहुँको व्यास नगरपालिकामा थापिएको पासोमा चितुवा परेको छ। </p>
<p>स्थानीयलाई दुख दिएपछि डिभिजन वन कार्यालयले व्यास नगरपालिका-९, बिर्तामा थापेको पासोभित्र पोथी चितुवा परेको तनहुँका सीडीओ रुद्रप्रसाद पण्डितले बताए। </p>
<figure class="image"><img alt="" height="616" src="https://www.dekhapadhi.com/storage/photos/shares/Social/tanahu chituwa paso.jpg" width="960" />
<figcaption>तस्वीर: गोविन्द पौडेल (डिभिजन वन कार्यालय, तनहुँ)।</figcaption>
</figure>
<p>व्याससँगै सिमाना जोडिएको तनहुँकै भानु नगरपालिकामा चितुवाको आक्रमणबाट यसअघि ८ वर्षमुनिका ६ बालबालिकाको मृत्यु भइसकेको छ। </p>
<p>"गाउँमा मान्छेका घरमै आएर बाख्रा खाइदिने घाँसदाउरा खेतीपाति गर्दा दु:ख दिन थालेपछि स्थानीय त्रसित बनेका छन्" सीडिओ पण्डितले भने, "गाउँलेले चितुवा नियन्त्रणको लागि गुहार गरेपछि डिभिजन वन कार्यालयबाट पासो राखिएको थियो।"</p>
<p>मंसीरको दोस्रो हप्ता त्यहाँ चितुवाको लागि पासो थापिएको थियो। </p>
<p>चितुवालाई आज बिहान दमौली ल्याएर अर्को खोरमा हालेर चितवन राष्ट्रिय निकुञ्ज पठाइएको चितवनका सूचना अधिकारी बाबुराम उप्रेतीले जानकारी दिए। </p>
प्रतिक्रिया दिनुहोस्
.jpg)
