चितवन निकुञ्जमा मृत भेटियो दुर्लभ पाटे बाघ
<p>चितवन। चितवन राष्ट्रिय निकुञ्‍जस्थित सामुदायिक वनमा वयस्क दुर्लभ पाटेबाघ मृत भेटिएको छ। </p>
<p>निकुञ्‍जअन्तर्गत पर्साको ठोरी गाँउपालिका-३ वेदघारी सामुदायिक वनमा ९ पुसमा बाघ मरेको फेला परेको हो।</p>
<p>चितवन राष्ट्रिय निकुञ्‍जका प्रमुख संरक्षण अधिकृत नारायण रुपाखेतीले बाघ जुधेर मरेको प्रारम्भिक प्रतिवेदन प्राप्त भएको जानकारी दिए।</p>
<p>निकुञ्जबाट गएको चिकित्सकसहितको टोलीले बाघ कसरामा ल्याउने तयारी गर्दैछन्।</p>
<p>घाँस काट्न गएका स्थानीयवासीले मृत बाघ देखेपछि प्रहरीलाई खबर गरेका थिए।</p>
<p>“मृत फेला परेको बाघको शरीरभरि नै घाउ छ”, रुपाखेतीले भने, “वयस्क बाघ एकापसमा जुधेर मरेको प्रारम्भिक अनुसन्धानको क्रममा खुलेको छ।” </p>
<p>बस्तीदेखि झण्डै दुई किलोमिटर उत्तरतर्फ सामुदायिक वनमा भेटिएको मृत बाघलाई आज परीक्षण गरिने निकुञ्जले जनाएको छ। <em>रासस</em></p>
प्रतिक्रिया दिनुहोस्
.jpg)
