चिसोबाट जोगिन बालेको आगोले जलेर एक महिलाको मृत्यु, एक घाइते
<p>सर्लाही। चिसोबाट बच्‍न बालिएको आगोले जलेर एक महिलाको मृत्यु भएको छ। अर्की एक महिला गम्भीर घाइते छिन्।</p>
<p>बरहथवा नगरपालिका-१७ की ४० वर्षीया राजमतीदेवीको जलेर मृत्यु भएको जिल्ला प्रहरी कार्यालय, सर्लाहीले जनाएको छ। </p>
<p>चिसोबाट बच्‍न आफ्नै घरको आँगनमा बालिएको आगो ताप्ने क्रममा शरीर पुरै जलेर उनी ९ पुसमा गम्भीर घाइते भएकी थिइन्। </p>
<p>गएराति जनकपुर अञ्‍चल अस्पतालमा साहको मृत्यु भएको प्रहरीले जनाएको छ।<br />
<br />
आगो ताप्‍ने क्रममा साडीमा आगो सल्केर शरीर पोलेर विष्णु गाउँपालिका-१ बेल्वामा २५ वर्षीया सरस्वती पासवान गम्भीर घाइते भएकी छन् । </p>
<p>आगोबाट पासवानको घुँडादेखि पेटसम्म जलेको छ। </p>
<p>जिल्ला अस्पताल मलंगवामा पासवानको उपचार भइरहेको सर्लाहीका प्रहरी प्रवक्ता डीएसपी प्रतितसिंह राठौरले बताएका छन्। <em>रासस</em></p>
प्रतिक्रिया दिनुहोस्
.jpg)
