Others

गृहपृष्ठ

राज्यलाई थप लाभ हुने गरी नेपाल ट्रस्टको जग्गा भाडामा दिइएको उपप्रधानमन्त्री पोखरेलको दाबी काठमाडौं। उपप्रधानमन्त्री एवं रक्षामन्त्री ईश्वर पोखरेलले गोकर्ण फरेष्ट रिसोर्टसँग विगतका सरकारदेखि शुरु भएको कानूनी प्रक्रियाका आधारमै भाडा सम्झौता भएको प्रष्टिकरण दिएका छन्। आजको राष्ट्रियसभा बैठकमा सांसदले उठाएका प्रश्&zwj;नको जवाफ दिँदै नेपाल ट्रष्टका अध्यक्षसमेत रहेका मन्त्री पोखरेलले प्रचारमा ल्याइएजस्तो सम्झौताको नवीकरण सस्तो मूल्यमा नभई बजार मूल्य र राज्यलाई थप लाभ हुने गरी भएको दाबी गरे। “केही गडबड होला भनेर सचेत गराउनु राम्रो हो तर यसमा यथार्थ र तथ्यबहरु बुझेर कुरा आओस् भन्ने चाहन्छौँ", मन्त्री पोखरेलले भने, "हामी केही समयपछि उक्त सम्झौताबारे श्वेतपत्र जारी गर्ने तयारीमा छौँ।” नेपाल ट्रष्टको कार्यालय र रिसोर्ट सञ्चालक कम्पनी यति होल्डिङ्ग्सबीचको सम्झौता अवधि पाँच वर्ष बाँकी रहेकै अवस्थामा रिसोर्टले लगानीसहित नयाँ संरचना बनाउन थालेकाले उसको मागबमोजिम सरकारले ५० वर्षका लागि नवीकरणको निर्णय गरेको थियो । कम्पनीसँग शुरूमा ५ बैशाख २०६६ मा सम्झौता भएको थियो। २६ माघ २०७० को निर्णयबाट ट्रष्टले लिज सम्झौता नवीकरणको निर्णय गरेको थियो।  विसं २०७६ वैशाख १० मा रिसोर्टले नयाँ संरचना निर्माणको थालनीसँगै ३० वर्षको लिज अवधि थपका लागि नयाँ भाडादरसहित प्रस्ताव पेस गरेको जानकारी दिँदै उपप्रधानमन्त्री पोखरेलले ट्रष्टले सम्झौता पुनरावालोकनका लागि गठन गरेको कार्यदलको प्रतिवेदनका आधारमा मन्त्रिपरिषद्मा प्रस्ताव पेस गरिएको पनि बताए । उनले चार्टर एकाउन्टेन्ट संस्था, नेपाल पर्यटन बोर्ड र गोकर्णेश्वर नगरपालिकासँगसमेत फेयर मार्केट भ्याल्यु मूल्याङ्कन तथा वातावरणीय पक्षबारे जानकारी लिइएको पनि प्रष्ट पारे।