बाजुरामा वन्यजन्तुको छाला र हतियारसहित सातजना पक्राउ
<p>बाजुरा। बाजुरा प्रहरीले सातजनालाई वन्यजन्तुको छाला र हातहतियारसहित पक्राउ गरेको छ।</p>
<p>बुढीनन्दा नगरपालिका–८ स्थित शिल्पे लेकबाट उनीहरूलाई चार थान भरुवा बन्दुक र पाँच थान वन्यजन्तुको छालासहित पक्राउ गरेको प्रहरीले जनाएको छ ।</p>
<p>पक्राउ पर्नेमा बुढीनन्दा–८, गोठीका आइते बोहरा (५९), बलबहादुर बोहरा (३१), मनिचन्द्र बोहरा (२५), कविन्द्र बोहरा (४०), दल कामी (३२), पृथ्वी बोहरा (१९) र बुढीनन्दा–१०, पीरकोटका पृथ्वी सिंह (४८) रहेको प्रहरीको भनाइ छ।</p>
<p>पक्राउ परेकाहरूबाट थारको छाला एक थान, रतुवाको छाला दुई थान र घोरलको छाला दुई थान बरामद गरिएको जिल्ला प्रहरी कार्यालय बाजुराका प्रमुख प्रहरी नायव उपरीक्षक उद्धवसिंह भाटले बताए।</p>
<p> </p>
प्रतिक्रिया दिनुहोस्
.jpg)
