कर्णाली स्वास्थ्य विज्ञान प्रतिष्ठानकाे शिक्षाध्यक्षमा डा. थापा नियुक्त
<p>सुर्खेत। कर्णाली स्वास्थ्य विज्ञान प्रतिष्ठान जुम्लाको शिक्षाध्यक्षमा डा. निरेश थापा नियुक्त भएका छन्।</p>
<p>प्रतिष्ठानका सहकुलपति स्वास्थ्य तथा जनसंख्यामन्त्री भानुभक्त ढकालले मन्त्रिस्तरीय निर्णयबाट आज डा.थापालाई शिक्षाध्यक्षमा नियुक्त गरेका हुन्।</p>
<p>प्रतिष्ठानका उपकुलपति प्रा. डा. राजेन्द्रराज वाग्लेले गत ३० मंसीरमा शिक्षाध्यक्ष नियुक्तिका लागि डा. थापा, डा. भरतमणि पोखरेल र डा. बद्रि बडूलाई सहकुलपतिसमक्ष सिफारिस गरेका थिए।</p>
<p>निवर्तमान शिक्षाध्यक्ष डा. धर्मराज श्रेष्ठको कार्यावधि गत २५ जेठमा सकिएपछि सात महीनादेखि प्रतिष्ठान शिक्षाध्यक्षविहीन थियो। सहकुलपति ढकालले डा. थापालाई चारवर्षीय कार्यकालसहितको शिक्षाध्यक्षको जिम्मेवारी प्रदान गरेको प्रतिष्ठानका उपकुलपति प्रा. डा. वाग्लेले जानकारी दिए। <em>रासस</em></p>
प्रतिक्रिया दिनुहोस्
.jpg)
